गजलः रोएको छु

गजलः रोएको छु
¤आवाज शर्मा¤
॰
कैले दुख्दै रोएँ कैले दुखाउँदै रोएको छु
कैले झुक्दै रोएँ कैले झुकाउँदै रोएको छु
॰
नियतीका प्रहारसँगै कैले यता कैले उता
कैले जुध्दै रोएँ कैले जुधाउँदै रोएको छु
॰
छातीभित्रै आगो बल्दा उसिनिने मन मेरो
कैले बुझ्दै रोएँ कैले बुझाउँदै रोएको छु
॰
एउटै नदी साझा डुङ्गा कोशौ टाढा दुइटा मन
कैले डुब्दै रोएँ कैले डुबाउँदै रोएको छु
॰
बाँधिएर जुगैभरी पराइको अँगालोमा
कैले लुट्दै रोएँ कैले लुटाउँदै रोएको छु
24/08/2011