गजलः सराबी म
¤आवाज शर्मा¤
रस छञ्जेल निचोरिएँ त्यसैले त कागती म ।
तिम्रै जित सँधैभरी हार हुने सम्मती म ।
पिएँ रहर रहरैमा आज पिउनै पर्ने भयो ।
तिम्रो एकै नजरपानको हरदिन अम्मली म ।।
तिम्रो माया मुटुभित्र दुखिर'ने घाऊ भयो ।
कहिल्यै निको नहुने यो दिर्घकाली बिमारी म ।।
शर्तमाथि शर्तहरू तिम्रा छुट्ने बहानामा ।
तिमी सँधै जाती रह्यौ , दुनियाँको बेमानी म ।।
भुल्न कहाँ सकिन्थ्यो र ? प्याला भित्रै तिमी हुन्छ्यौ ।
बहाना हो बिर्सने त बाह्रमासे सराबी म ।।
No comments:
Post a Comment