गजलः हुनुपर्थ्यो

गजलः हुनुपर्थ्यो
¤आवाज शर्मा¤

मुखमा लगाम आकांक्षामा अंकुस हुनुपर्थ्यो ।।
या त मेरो बाटो छेक्ने जुलुस हुनुपर्थ्यो ।।

गुलेलीले निशान साँध्छौ ताक्छौ मेरो मुटु ।
छाती खोल्थेँ तिम्रो हातमा कार्तुस हुनुपर्थ्यो ।।

एऽ गलैँचा पो बिच्छाएछौ झुक्कियौ कि कुन्नि ?
मैले टेक्ने पाइलै पिच्छे एम्बुस हुनुपर्थ्यो ।।

हजार ब्रत गर्न परोस, कठोर तपस्या होस् ।
जे माग्यो त्यै दिने दैब कञ्जुस हुनुपर्थ्यो ।।

'बाला' मर्छ, मर्नै पर्छ 'आवाज' कहाँ मर्छ ?
इर्ष्या संगालेर राख्न सन्दुस हुनुपर्थ्यो ।।
23/06/2012‬‬

No comments:

Post a Comment