गजलः खबर उही थियो

गजलः खबर उही थियो
¤आवाज शर्मा¤
॰
राज मात्रै फरक थिए नजर उही थियो ।
दृष्य मात्रै फरक थिए खबर उही थियो ।।
॰
लाग्छ प्रत्येक प्रहारको म नै जवाफ हूँ
घात मात्र फरक थिए असर उही थियो ।।
॰
भीडसंगै सराबरी अलग कथा ब्यथा ।
स्वप्न मात्रै फरक थिए शहर उही थियो ।।
॰
पुग्नु टाढा थियो कतै पराइ झैँ थियौँ ।
यात्रु मात्रै फरक थिए सफर उही थियो ।।
॰
आगो झोसी सँधै यता उता निभाउँथ्यौ ।
काम मात्रै फरक थिए कदर उही थियो ।।
SIS SIS ISIS ISIS
बहरः रमल महजूफ मक्बूज/हजज अस्तर मक्बूज
15/03/2011