गजलः यहाँ कोही
¤आवाज शर्मा¤
॰
अरू निभे निभ्न मात्रै बल्छन् यहाँ कोही
नेपथ्यका चालसङ्गै चल्छन् यहाँ कोही
॰
पाए जरा सम्म खन्छन् आफ्नै जमीन् हुन्न
टुप्पातिरै उम्रिएसी ढल्छन् यहाँ कोही
॰
सत्तो सराप ब्यर्थ आरोप नाना कुरा काट्छन्
खाँचो परे पाउ उस्कै मल्छन् यहाँ कोही
॰
कोक्याउँछन् डस्न सक्छन् घातै समेत गर्छन्
औला उठे कर्कलो झैँ गल्छन् यहाँ कोही
॰
भन्छौ तिमी जल्नलाई आगै नभै हुन्न
म झुल्किनै हुन्न सत्ते जल्छन् यहाँ कोही
SSIS SISS SSIS SS
बहरे मुजास मक्तुअ
25/09/2011
No comments:
Post a Comment