गजलः परीजस्तै उनी
¤आवाज शर्मा¤
॰
कुनै मीठो कहानीकी परीजस्तै उनी ।
खडेरीमा सितल दिन्छिन् झरीजस्तै उनी ।।
॰
कलेजीमा सजाएको कुनै तश्विर भरी ।
समर्पणका कथा लेख्छिन् खरीजस्तै उनी ।।
॰
सखारैमा कुनै मीठो सुवास फिँजाउँदै ।
बिहानीकी उषा डाक्छिन् चरी जस्तै उनी ।।
॰
उनी हुन्नन् कतै केही नपुग्दो झै हुने ।
पछ्यौरीमा सजाएको जरीजस्तै उनी ।।
॰
कतै बर्खे खोलीजस्तो समुद्रै झैँ कतै ।
म पो आधी घडाजस्तो भरीजस्तै उनी ।।
30/06/2011
No comments:
Post a Comment